किसान माइक्रोफाइनान्सले लाभांश घोषणा गरेको छ । कम्पनीको बिहिबार बसेको संचालक समितिको बैठकले आर्थिक बर्ष ७३/७४ को मुनाफाबाट २५ प्रतिशत बोनस दिने प्रस्ताव गरेको हो । बैठकले हाल कायम चुक्ता पुंजीको २५ प्रतिशत बोनस शेयर र कर प्रयोजनको लागि १.३२ प्रतिशत नगद लाभांश प्रस्ताव गरेको हो ।
उक्त प्रस्ताव नेपाल राष्ट्र बैंकले अनुमति दिएपछि र कम्पनीको साधारण सभाले पारित गरेपछि लगानीकर्तामा वितरण हुनेछ ।
हाल कम्पनीको चुक्ता पुंजी ३ करोड २२ लाख रहेकोमा २५ प्रतिशत बोनसपछि चुक्ता पुंजी ४ करोड नाघ्ने छ ।
कम्पनीले असोज ४ गतेदेखि २४.२२ प्रतिशत हकप्रद निष्काशन पनि गरिरगेको छ ।