सनराइज बैंकले साधारणसभा प्रयोजनार्थ शेयरधनी दर्ता पुस्तिका बन्द गर्ने मिति तय गरेको छ। बैंकले कात्तिक ३० गते डाकेको साधारणसभा प्रयोजनार्थ कात्तिक १३ देखि कात्तिक ३० सम्मका लागि बुक क्लोज गर्ने निर्णय गरेको जनाइएको छ।
कात्तिक १३ गतेदेखि बुक क्लोज गर्ने निर्णय भएकाले कात्तिक १२ सम्म कायम सेयरधनीहरुले मात्र सनराइज बैंकको लाभांश प्राप्त गर्न र साधारणसभामा सहभागी हुन पाउनेछन।
बैंकले गत आर्थिक बर्षको कमाईबाट १५ प्रतिशत बोनस सेयर वितरण गर्ने प्रस्ताब साधारणसभामा प्रस्तुत गर्नेछ। उक्त प्रस्ताब साधारणसभाले पारित गरेपश्चात सेयरधनीहरुमा लाभांश वितरण हुनेछ।
बैंकले हकप्रदमा अवितरित सेयर प्राप्ती गर्नेहरुले समेत पाउनेगरी १५ प्रतिशत बोनस सेयर दिने घोषणा गरेको छ। बैंकले ३० प्रतिशतका दरले १ करोड ६३ लाख ५९ हजार ६ सय ३६ कित्ता हकप्रद बिक्री खुला गरेको थियो। बिजपाटी डटकमले सनराइज बैंकले १४ प्रतिशत बोनस सेयर दिने प्रक्षेपण गरेको थियो।
१५ प्रतिशत बोनस सेयर वितरण पश्चात बैंकको चुक्ता पुंजी ८ अर्ब १४ करोड नाघ्नेछ। ३० प्रतिशत हकप्रद बिक्री तथा वितरण पश्चात बैंकको चुक्ता पुंजी ७ अर्ब ८ करोड ९१ लाख १९ हजार १ रुपैयाँ पुगेको छ।
