मुक्तिनाथ विकास बैंकले लाभांश घोषणा गरेको छ । बैंकको कार्तिक ८ गते बसेको संचालक समितिको बैठकले ४० प्रतिशत हकप्रद शेयरपछिको कायम हुने चुक्ता पुँजीको २१.०५ प्रतिशत लाभांश वितरण गर्ने प्रस्ताव गरेको हो । २१.०५ प्रतिशत मध्ये २० प्रतिशत शेयर लाभांश रहेको छ भने १.०५ प्रतिशत नगद लाभांश रहेको छ ।
उक्त प्रस्ताव नेपाल राष्ट्र बैंकले अनुमति दिएपछि र बैंकको आगामी साधारणसभाले पारित गरेपछि लगानीकर्तामा वितरण हुनेछ ।
बैंकले भदौ ४ गतेदेखि असोज ८ गते सम्म ४० प्रतिशत हकप्रद बिक्रि गरेको थियो । ४० प्रतिशत हकप्रद पश्चात बैंकको चुक्ता पुंजी २ अर्ब १५ करोड पुगेको छ । प्रस्तावित २० प्रतिशत बोनसपछि बैंकको चुक्ता पुंजी २ अर्ब ५९ करोड पुग्ने छ ।