साताको दोस्रो दिन सोमबार नेप्से सामान्य अंकले घटेको छ । आज नेप्से सूचक ३.०४ अंकले घटेर १४९३.४२ को बिन्दुमा पुगेर रोकिएको छ । तिब्र उतार चढाव देखिएको आजको बजारमा सूचक एक समय हरियो भएर १५०३ को उचाईमा पुगेको भएपनि रातो भएर बन्द भएको हो ।
आज कारोबारमा आएका १६० कम्पनीका ११ लाख ५७ हजार ४ सय ६६ कित्ता शेयर खरिद बिक्रिबाट ४९ करोड ११ लाख ८० हजार ४ सय ३८ रुपियाँको कारोबार भएको छ ।
आज नागरिक लगानी कोषको सबै भन्दा धेरै ३ करोड २५ लाखको कारोबार भएको छ । अन्य बढी कारोबार हुनेमा स्ट्याण्डर्ड चार्टर्ड बैंक, नेपाल टेलिकम , सिभिल बैंक, नेपाल इन्भेस्टमेन्ट बैंक लगायत रहेका छन् ।
आज कारोबारमा आएका समुहगत सूचक मध्ये माइक्रोफाइनान्स, इन्स्योरेन्स, विकास बैंक, ट्रेडिङ र बैंकिंग बाहेकका सबै समुहगत सूचक बढेका छन् ।
आज महुली सामुदायिक लघुवित्तका लगानीकर्ताले सर्बाधिक ८.१५ प्रतिशत कमाएका छन् भने सिभिल लघुवित्तका लगानीकर्ताले सर्बाधिक ६.९ प्रतिशत गुमाएका छन् ।