साताको तेस्रो दिन आज मंगलबार पनि शेयर बजार परिसूचक नेप्से घटेको छ । आज नेप्से सूचक ८.९७ अंकले घटेर १४८४.४५ को बिन्दुमा पुगेर रोकिएको छ । आज कारोबारमा आएका १५९ कम्पनीका ११ लाख २९ हजार २ सय ९ कित्ता शेयर खरिद बिक्रि बाट ४२ करोड ४४ लाख ४६ हजार ७ सय ५६ रुपियाँको कारोबार भएको छ।
आज नेपाल इन्भेस्टमेन्ट बैंकको १ करोड ९४ लाख बराबरको कारोबार भएको छ । अन्य बढी कारोबार हुनेमा नेपाल टेलिकम , फरवार्ड माइक्रोफाइनान्स, स्ट्याण्डर्ड चार्टर्ड बैंक लगायत रहेका छन् ।
आज कारोबार आएका समुहगत सूचक मध्ये ट्रेडिङ बाहेकका सबै समुहगत सूचक घटेका छन् ।
आज सूर्योदय लघुवित्त वित्तीय संस्थाका लगानीकर्ताले सबै भन्दा धेरै ८.०८ प्रतिशत कमाएका छन् भने कावेली विकास बैंक लिमिटेडका लगानीकर्ताले सर्बाधिक ७.३१ प्रतिशत गुमाएका छन् ।
