साताको चौथो दिन आज बुधबार पनि बजार परिसूचक नेप्से घटेको छ । आज नेप्से सूचक १७.८३ अंकले घटेर १४६६.६२ को बिन्दुमा पुगेर रोकिएको छ । नेप्से घटेर वर्ष कै न्यून बिन्दुमा पुगेको हो। बैशाखमा १६ सयको हाराहारीमा रहेको नेप्से अहिले बर्षकै न्यून बिन्दुमा पुगेको हो ।
आज कारोबारमा आएका १५९ कम्पनीका ११ लाख ९८ हजार २ सय ६४ कित्ता शेयर खरिद बिक्रिबाट ४७ करोड ७७ लाख ९ हजार ४ सय ५९ रुपियाँको कारोबार भएको छ ।
आज स्ट्याण्डर्ड चार्टर्ड बैंकको सबै भन्दा धेरै ३ करोड २२ लाखको कारोबार भएको छ । अन्य बढी कारोबार हुनेमा नेपाल लाइफ इन्स्योरेन्स प्रभु बैंक, नेपाल इन्भेस्टमेन्ट बैंक लगायत रहेका छन् ।
आज कारोबारमा आएका सबै समुहगत सूचक घटेका छन् । जस मध्ये इन्स्योरेन्स समूह १३५ अंकले घटेको छ ।
आज कमाउनेमा महुली लघुवित्तका लगानीकर्ता अगाडी छन् भने बोटलर्स नेपाल तराई लिमिटेडका लगानीकर्ताले सर्बाधिक १० प्रतिशत गुमाएका छन् ।