नेपाल धितोपत्र बोर्डले एकै दिन ३ कम्पनीलाई हकप्रद निष्काशनको अनुमति दिएको छ । बोर्डले बिहिबार ३ कम्पनीलाई हकप्रद निष्काशनको अनुमति इद्येको हो । अनुमति पाउनेमा १ इन्स्योरेन्स, १ विकास बैंक र १ फाइनान्स कम्पनी रहेका छन् ।
सेन्ट्रल फाइनान्स, प्रुदेन्शियल इन्स्योरेन्स र शंग्रिला डेभलपमेन्ट बैंकले हकप्रद निष्काशनको अनुमति पाएका हुन् ।
सेन्ट्रल फाईनान्सले २ शेयर बराबर १ (२ः१) शेयरको अनुपातमा हकप्रद शेयर निष्काशन गर्न लागेको हो । सेन्ट्रल फाईनान्सले प्रति शेयर मूल्य रु १०० अंकित दरको २६ लाख ३ हजार ३ सय १४ कित्ता हकप्रद शेयर निष्काशन गर्न लागेको हो । फाइनान्सले एनआईबिएल क्यापिटललाई बिक्री प्रबन्धकमा नियुक्त गरेको छ ।
सेन्ट्रल फाईनान्सकोे हाल कायम चुक्ता पुँजी रु ५२ करोड ६ लाख ६२ हजार ८ सय १५ रहेकोमा हकप्रद शेयर निष्काशन पछि कुल चुक्ता पुँजी रु ७८ करोड ९ लाख ९४ हजार २ सय २० पुग्नेछ ।
त्यस्तै प्रुडेन्शियल इन्सुरेन्सले १०:३ को अनुपातमा ३० प्रतिशत हकप्रद निष्काशन गर्न लागेको हो । कम्पनीले १२ करोड ८३ लाख मूल्य बराबरको १२ लाख ८३ लाख कित्ता हकप्रद निष्काशन गर्न लागेको हो । हकप्रद निष्काशनको लागि एनआईसी एसिया क्यापिटल लिमिटेड बिक्रि प्रबन्धक चयन भएको छ ।
त्यस्तै शंग्रिला डेभलपमेन्ट बैंकले १०:८ को अनुपातमा ८०- प्रतिशत हकप्रद निष्काशन गर्न लागेको हो । बैंकले १२ करोड ८३ लाख मूल्य बराबरको १२ लाख ८३ लाख कित्ता हकप्रद निष्काशन गर्न लागेको हो । हकप्रद निष्काशनको लागि प्रभु क्यापिटल लिमिटेड बिक्रि प्रबन्धक चयन भएको छ ।
