कन्चन डेभलपमेन्ट बैंकले लाभांश घोषणा गरेको छ । बैंकको कार्तिक २५ गते बसेको संचालक समितिको बैठकले १६.०३ प्रतिशत बोनस शेयर र कर प्रयोजनको लागि ०.८४३८ प्रतिशत नगद लाभांश दिने प्रस्ताव गरेको हो ।
बैंकले आर्थिक बर्ष ७३/७४ को मुनाफाबाट १६.०३ प्रतिशतका दरले ५ करोड ५५ लाख ५० हजार बराबरको बोनस शेयर र २९ लाख २३ हजार ६ सय ८४ दशमलव २१ बराबरको नगद लाभांश वितरण गर्ने प्रस्ताव गरेको हो । बैंकले गत आर्थिक बर्षमा ७ करोड ३६ लाख मुनाफा गरेको थियो ।
बैंकको उक्त प्रस्ताव नेपाल राष्ट्र बैंकले अनुमति दिएपछि र बैंकको आगामी साधारणसभाले पारित गरेपछि लगानीकर्तामा वितरण हुने छ ।
हाल बैंकको चुक्ता पुंजी ४५ करोड ४ लाख रहेकोमा प्रस्तावित बोनस वितरणपछि चुक्ता पुंजी ५२ करोड २९ लाख पुग्ने छ ।
