रिलायन्स लाइफ इन्स्योरेन्स लिमिटेडले आज मङ्सिर १ गते शुक्रबारबाट सेवा सुभारम्भ गरेको छ । बीमा समितिबाट कार्तिक २६ गते कारोबार अनुमति पाएको यस कम्पनीले सुरुवातमा ३ वटा बीमा योजना सञ्चालनमा ल्याएको छ । त्यस्तै निकट भविष्यमा थप ४ बीमा योजना सञ्चालनमा ल्याउने बताएको छ ।
नयाँ बानेश्वरको कृष्ण टावरमा कर्पोरेट कार्यालय रहेको इन्स्योरेन्सले इन्डाउनमेन्ट एसुरेन्स विथ होल लाईफ प्लान, मनि ब्याक एसुरेन्स प्लान र इन्डाउनमेन्ट एसुरेन्स प्लान गरि ३ प्रकारका बीमा योजना सार्वजनिक गरेको हो ।
खुलेर जिऔं भन्ने नारा साथ सञ्चालनमा आएको कम्पनीले बीमा योजना बिक्री, गुनासो सुनवाई लगायतमा प्रविधिको प्रयोग गर्ने उल्लेख गरेको छ । कम्पनीले बीमा समितिमा १५ वटा शाखा विस्तारको लागि आवेदन दिएको छ ।
कम्पनीमा हाल १ सय १३ जना संस्थापक लगानीकर्ता रहेका छन् । हाल १ अर्ब ४७ करोड चुक्ता पुंजी रहेको यस कम्पनीले सर्वसाधारणमा निकट भविष्यमा ६३ करोड सेयर जारी गर्ने बताएको छ । सर्वसाधारण्मा सेयर जारी गरेपछि कम्पनीको पूँजी २ अर्ब १० करोड रुपैयाँ पुग्नेछ ।
हाल कम्पनीको सञ्चालकहरुमा भरत कुमार तोडी, पवन कुमार अग्रवाल र सुन्दर प्रसाद कँडेल छन् ।
