साताको तेस्रो दिन आज मंगलबार बजार परिसूचक नेप्से सामान्य अंकले बढेको छ । आज नेप्से सूचक ३.०८ अंकले बढेर १४७२.२४ को उचाईमा पुगेर रोकिएको छ । आज कारोबारमा आएका १५९ कम्पनीका ८ लाख ४२ हजार ६ सय ८२ कित्ता शेयर खरिद बिक्रि बाट ३५ करोड ८ लाख १८ हजार २ सय ५१ रुपियाँको कारोबार भएको छ ।
आज नागबेली लघुवित्तको संस्थापक शेयरको सबै भन्दा धेरै ४ करोड २६ लाखको कारोबार भएको छ । धेरै कारोबार हुने अन्य कम्पनीमा एभरेस्ट बैंक, नेपाल लाइफ इन्स्योरेन्स, प्राइम लाइफ इन्स्योरेन्स, चुलिमे हाइड्रो, जनता बैंक लगायत रहेका छन् ।
आज कारोबारमा आएका समुहगत सूचक मध्ये विकास बैंक, फाइनान्स, उत्पादन र अन्य बाहेक सबै सूचक बढेका छन् ।
आज ग्रिन डेभलपमेन्ट बैंकको शेयर मूल्य ९.८४ र बिशाल बजार कम्पनीको शेयर मूल्य ९.८१ प्रतिशतले बढेको छ ।
आज धेरै गुमाउनेमा प्रग्रेशिभ फाइनान्स र एक्सेल डेभलपमेन्ट बैंक रहेका छन् ।
