साताको तेस्रो दिन मंगलबार बजार परिसूचक नेप्से दोहोरो अंकले बढेको छ । आज नेप्से सूचक १०.१२ अंकले बढेर १५२३.८६ को उचाईमा पुगेर रोकिएको छ । आज कारोबारमा आएका १६३ कम्पनीका ९ लाख ९९ हजार ६० कित्ता शेयर खरिद बिक्रिबाट ५७ करोड २१ लाख ९९ हजार ७ सय ५७ रुपियाँको कारोबार भएको छ ।
आज चिलिमे हाइड्रोपावरको सबै भन्दा धेरै ३ करोड २३ लाखको कारोबार भएको छ । अन्य बढी कारोबार हुनेमा बुटवल पावर कम्पनी, नेपाल लाइफ इन्स्योरेन्स, नागबेली लघुवित्त, एनसीसी बैंक लगायत रहेका छन् ।
आज कारोबारमा आएका समुहगत सूचक मध्ये उत्पादन र इन्स्योरेन्स बाहेकका सबै सूचक बढेका छन् ।
आज मिसन डेभलपमेन्ट बैंकका लगानीकर्ताले सर्बाधिक ७.८१ प्रतिशत कमाएका छन् । अन्य बढी कमाउनेमा स्वदेशी लघुवित्त, कर्णाली विकास बैंक , युनाईटेड फाइनान्स लगायत रहेका छन् ।
आज बढी गुमाउनेमा कुवेर मर्चेन्ट फाइनान्स, मन्जुश्री फाइनान्स, ओम डेभलपमेन्ट बैंक, हाम्रो विकास बैंक, लुम्बिनी विकास बैंक लगायत रहेका छन् ।
