स्ट्याण्डर्ड चार्टर्ड बैंकले लाभांश घोषणा गरेको छ । बैंकको मङ्सिर २२ गते बसेको संचालक समितिको बैठकले
आफ्ना शेयरधनीहरुलाई १०० प्रतिशत बोनस शेयर र कर प्रयोजनको लागि ५.२६ प्रतिशत नगद लाभांश दिने प्रस्ताव गरेको हो ।
उक्त प्रस्ताव नेपाल राष्ट्र बैंकले अनुमति दिएपछि र बैंकको साधारणसभाले पारित गरेपछि शेयरधनीलाई वितरण हुनेछ ।
गत बर्ष बैंकले ३३.३३प्रतिशत् बोनस दिएको थियो ।
हाल बैंकको चुक्ता पुंजी ४ अर्ब १ करोड रहेकोमा शत प्रतिशत बोनसपछि चुक्ता पुंजी ८ अर्ब नाघ्ने छ ।
पछिल्लो कारोबार बैंकको शेयर मूल्य २१ सय २० रुपियाँ छ ।