साताको दोस्रो दिन आज नेप्से सूचक सामान्य अंकले घटेको छ । आज सूचक २.७४ अंकले घटेर १५२७.६५ को बिन्दुमा पुगेर रोकिएको छ । आज कारोबारमा आएका १५७ कम्पनीका ८ लाख ५६ हजार १ सय १८ कित्ता शेयर खरिद बिक्रि बाट ४६ करोड ४५ लाख ५० हजार ६ सय १८ रुपियाँको कारोबार भएको छ ।
आज स्ट्याण्डर्ड चार्टर्ड बैंकको सबै भन्दा धेरै ६ करोड ६ लाख बराबरको कारोबार भएको छ । अन्य बढी कारोबार हुनेमा प्राइम लाइफ इन्स्योरेन्स संस्थापक शेयर, बुटवल पावर कम्पनी, नविल बैंक संस्थापक शेयर, नेपाल टेलिकम लगायत रहेका छन् ।
आज कारोबारमा आएका उत्पादन र अन्य बाहेकका सबै समुहगत सूचक घटेका छन् ।
आज एभरेष्ट बैंकको अग्राधिकार शेयरको मूल्य सर्बाधिक ७.४७ प्रतिशतले बढेको छ भने नेशनल माइक्रो फाइनान्सको शेयर मूल्य सर्बाधिक ५.८ प्रतिशतले घटेको छ ।