जनता बैंकले पुष २८ गते आठौं बार्षिक साधारणसभा बोलाएको छ । साधारणसभामा यस अघि बैंकको संचालक समितिको बैठकले प्रस्ताव गरेको लाभांश प्रस्ताव पेश हुने छ ।
बैंकले गत बर्षको मुनाफाबाट १४.४० प्रतिशत बोनस सेयर प्रस्ताव गरेको थियो । साधारणसभाको अन्य प्रस्तावमा उपयुक्त बैंक तथा वित्तीय संस्थासँग मर्जर वा एक्विजिसनमा जान सक्ने वा स्वेदेशी तथा विदेशी साझेदारीमा जान आवश्यक सहमति र सम्झौता गर्न संचालक समितिलाई अख्तियारी दिने लगायत रहेका छन् ।
साधारणसभा प्रायोजनकको लागि बैंकले पुष ११ गतेदेखी बुक क्लोज गर्ने भएको छ । पुस ९ गतेसम्म कायम शेयरधनीले मात्र बैंकको प्रस्तावित लाभांश पाउन र साधारण सभामा भाग लिन सक्ने छन् ।
हाल बैंकको चुक्ता पूँजी ६ अर्ब ९९ करोड रहेको छ । प्रस्तावित एक अर्ब ७० लाख ९१ हजार ९३५ रुपैयाँ अर्थात १४.४० प्रतिशत बोनस सेयर वितरण पश्चात बैंकको चुक्ता पूँजी आठ अर्ब ७ लाख ८५ हजार ९२५ रुपैयाँ पुग्ने छ ।
बैंकले चालु आवको प्रथम त्रैमासमा ६ करोड ४८ लाख रुपैयाँ खुद नाफा कमाएको छ ।
