साताको तेस्रो दिन आज मंगलबार बजार परिसूचक नेप्से दोहोरो अंकले घटेको छ । आज नेप्से सूचक १४.४९ अंकले घटेर १४९३.७६ को बिन्दुमा रोकिएको छ । आज कारोबारमा आएका १६६ कम्पनीका १४ लाख ५ हजार ९ सय ७१ कित्ता शेयर खरिद बिक्रिबाट ५९ करोड ९३ लाख ७६ हजार ३ सय २१ रुपियाँको कारोबार भएको छ ।
आज कारोबारमा आएका सबै समुहगत सूचक घटेका छन् ।
आज नेपाल टेलिकमको सबै भन्दा धेरै ७ करोड ९४ लाखको कारोबार भएको छ । आज टेलिकमको मूल्य ४० अंकले घटेको छ । टेलिकमको मूल्य उलेख्य रुपमा तल माथि हुँदा त्यसले समग्र बजार नै तलमाथि हुने गर्छ । आज पनि बजार घट्नुमा टेलिकमको मूल्यले भूमिका खेलेको छ । टेलिकमको मूल्य ४.२६ प्रतिशतले घटेको छ।
आज अन्य बढी कारोबार हुनेमा प्राईम कमर्शियल बैंक , नेपाल ग्रामिण विकास बैंक संस्थापक शेयर, स्ट्याण्डर्ड चार्टर्ड बैंक, एभरेस्ट बैंक लिमिटेड रहेका छन् ।
आज अरूण फाइनान्स लिमिटेडका लगानीकर्ताले सर्बाधिक ९.७० प्रतिशत कमाएका छन् । धेरै गुमाउनेमा सिनर्जी पावर, हिमालयन डिस्टिलरी, नेपाल टेलिकम लगायत रहेका छन् ।
