आइएमई लाइफ इन्स्योरेन्स कम्पनी साधारणलाई सेयर आइपीओ निष्काशन गर्ने भएको छ । कम्पनीले आइपीओ निष्काशन गर्ने प्रस्ताव सहित पुस २६ गते आफ्नो पहिलो बार्षिक साधारण सभा बोलाएको छ । साधारणसभा लैनचौर ब्याङ्क्वेट, लैनचौरमा हुने छ ।
२ अर्ब चुक्तापूँजी रहेको कम्पनीले संस्थापक समूहको ७० र सर्वसाधारण समूहको ३० प्रतिशत लगानी संरचना बनाउन आइपीओ निष्काशन प्रस्ताव साधारणसभामा लान लागेको हो । साथै साधारण सभाले संचालक समितिको निर्वाचन र लेखापरीक्षक नियुक्त समेत गर्नेछ ।
साधारणसभाबाट पारित भएपछि कम्पनीले ३० प्रतिशत अर्थात् ६० करोड साधारण शेयर निष्कासन गर्ने प्रक्रिया अगाडी बढाउने छ ।
हाल कम्पनीको १ अर्ब ४० करोड चुक्तापुँजी र ३ अर्ब अधिकृत पुँजी रहेको छ ।