हकप्रद निष्काशनको अनुमति माग्दै नेपाल इन्स्योरेन्स कम्पनी लिमिटेड धितोपत्र बोर्ड पुगेको छ । बोर्डले १:१ को अनुपातमा शत प्रतिशत हकप्रद निष्काशनको अनुमति माग्दै बोर्डमा आवेदन दिएको हो ।
कम्पनीको भदौ ३० मा बसेको साधारणसभाले हकप्रद निष्काशन प्रस्ताव पारित गरेको थियो । अनुमति पाएपछि कम्पनीले ३० लाख १९ हजार ८ सय ८६ दशमलव १० कित्ता हकप्रद शेयर निष्काशन गर्ने छ । हकप्रद निष्काशनको लागि एनआईबिएल क्यापिटल बिक्रि प्रबन्धक रहेको छ ।
हाल कम्पनीको चुक्ता पुंजी ३० करोड १९ लाख रहेकोमा हकप्रद निष्काशनपछि ६० करोड ४० लाख पुग्ने छ । सबै निर्जीवन बिमा कम्पनीले आगामी असार मसान्तसम्म १ अर्ब चुक्ता पुंजी पुर्याउनु पर्ने हुन्छ । त्यसको लागि कम्पनीले अझै ३९ करोड ६० लाख पुंजी थप गर्नु पर्ने हुन्छ ।
कम्पनीले चालु आर्थिक बर्षी पहिलो त्रैमासमा २ करोड ६५ लाख खुद नाफा कमाएको छ ।