साताको अन्तिम दिन आज बिहिबार बजार परिसूचक नेप्से दोहोरो अंकले घटेको छ । आज नेप्से सूचक १२.३२ अंकले घटेर १४७२.१५ को बिन्दुमा पुगेर रोकिएको छ । यस सातामात्र नेप्से सूचक ४८ अंकले ओरालो लागेको छ ।
आज कारोबारमा आएका १ सय ५३ कम्पनीका ९ लाख ९० हजार ९ सय ८ कित्ता शेयर खरिद बिक्रिबाट ४७ करोड ५८ लाख ३७ हजार ४ सय ११ रुपियाँको कारोबार भएको छ ।
आज कारोबारमा आएका उत्पादन समुह बाहेकका सबै समुहगत सूचक घटेका छन् ।
आज स्ट्याण्डर्ड चार्टर्ड बैंकको सबै भन्दा धेरै ३ करोड ७७ लाखको कारोबार भएको छ । अन्य बढी कारोबार हुनेमा नेपाल टेलिकम, मुक्तिनाथ विकास बैंक, जनता बैंक, एभरेस्ट बैंक लगायत रहेका छन् ।
आज महुली लघुवित्तका लगानीकर्ताले सर्बाधिक ६.०४ प्रतिशत कमाएका छन् भने विजय लघुवित्तका लगानीकर्ताले सर्बाधिक ५.६९ प्रतिशत गुमाएका छन् ।