मगलबार नेपाल स्टक नेप्सेले २ बाणिज्य बैंकको मूल्य समायोजन गरेको छ । आज नेप्सेले जनता बैंक र हिमालयन बैंक लिमिटेडको मूल्य समायोजन गरेको हो ।
जनता बैंकको समायोजनपछिको मूल्य २०४ रुपियाँ कायम भएको छ । १४.४ प्रतिशत बोनसको लागि बैंकले बुक क्लोज गरेपछि कम्पनीको शेयर मूल्य समायोजन भएको हो । कम्पनीको औसत आधार मूल्य २ सय ५३ रुपियाँ रहेको छ ।
त्यस्तै हिमालयन बैंकको २५ प्रतिशत बोनस पछि कम्पनीको शेयर मूल्य समायोजन भएको छ । समायोजनपछि बैंकको शेयर मूल्य ६ सय ७१ रुपियाँ कायम रहेको छ । कम्पनीको औसत आधार मूल्य ८ सय ५९ रुपियाँ रहेको छ ।
