सामुदायिक लघुवित्त वित्तीय संस्था लिमिटेडले साधारण शेयर निष्काशनको अनुमति पाएको छ। लघुवित्तले ३ करोड रुपैयाँ बराबरको ३ लाख कित्ता आइपिओ निष्काशनको अनुमति पाएको नेपाल धितोपत्र बोर्डले जनाएको छ।
सर्वसाधारणमा आइपीओ निष्काशन पश्चात कम्पनीको चुक्ता पुंजी १० करोड पुग्नेछ भने शेयर स्वामित्व संस्थापक तर्फ ७० प्रतिशत र साधारणतर्फ ३० प्रतिशत पुग्नेछ। कम्पनीको शेयर निष्काशन तथा बिक्रि प्रबन्धकमा नेपाल एसबीआई मर्चेन्ट बैंकिङ रहेको छ ।
नेपाल राष्ट्र बैंकबाट ‘घ’ वर्गको इजाजतपत्र प्राप्त यस वित्तीय संस्थाले २०७० साल चैतबाट कारोवार गर्दै आएको छ। लघुवित्तले हाल ३२ वटा शाखा मार्फत १५ जिल्लामा लघुवित्त सेवा दिंदै आएको छ।