साताको अन्तिम दिन आज बिहिबार पनि बजार परिसुचाक नेप्से दोहोरो अंकले घटेको छ। आज नेप्से सूचक १०.७३ अंकले घटेर १४१४.७८ को बिन्दुमा पुगेर रोकिएको छ । आज कारोबारमा आएका १६२ कम्पनीका १८ लाख ६१ हजार ६५ कित्ता शेयर खरिद बिक्रि बाट ८१ करोड ६९ लाख ९८ हजार ६ सय २४ रुपियाँको कारोबार भएको छ ।
यस साता भर कुल ४ दिन कारोबार भएकोमा सो अवधिमा नेप्से सूचक ५७.३७ अंकले घटेको छ ।
आज अन्तिम दिन स्ट्याण्डर्ड चार्टर्डको सर्बाधिक २२ करोड र नेपाल टेलिकमको १० करोडको कारोबार भएको छ । अन्य बढी कारोबार हुनेमा प्रबु बैंक संस्थापक शेयर र ज्योति विकास बैंकको संस्थापक शेयर रहेका छन् ।
आज कारोबारमा आएका ट्रेडिङ, होटेल र अन्य बाहेकका सबै समुहगत सूचक घटेका छन् । आज पनि महुली लघुवित्तका लगानीकर्ताले सर्बाधिक १० प्रतिशत कमाएका छन् भने नयाँ नेपाल लघुवित्तका लगानीकर्ताले सर्बाधिक ५ प्रतिशत गुमाएका छन् ।
