साताको पहिलो दिन आइतबार १० कम्पनीको शेयर मूल्य समायोजन भएको छ । आज स्ट्याण्डर्ड चार्टड बैंक, डिप्रोक्स लघुवित्त, पुर्णिमा विकास बैंक, गरिमा विकास बैंक, मिसन डेभलपमेन्ट बैंक, पोखरा फाइनान्स, निर्धन उत्थान लघुवित्त, समिट माइक्रोफाइनान्स, युनाईटेड फाइनान्सको शेयर मूल्य समायोजन भएको हो ।
तर आज नै शेयर मूल्य समायोजन हुनु पर्ने ज्योति विकास बैंकको शेयर मूल्य भने आईतबार समायोजन हुन् सकेन । मूल्य समायोजन हुन नसक्दा आज लगानीकर्ताले बैंकको शेयर कारोबार गर्न पाएनन् ।
किन भएन समायोजन ?
नेप्सेका प्रबक्ता मुराहरी पराजुलीले बैंकले प्रतिबद्दता पत्र नेप्सेलाई पठाउन गरेकाले आज मूल्य समायोजन हुन् नसकेको जनाएका छन् । उनले भोली मूल्य समायोजन हुने पनि जानकारी दिएका छन् ।
कतिमा हुन्छ समायोजन ?
राप्तिभेरी विकास बैंकलाई गाभेको ज्योति विकास बैंकले आफ्ना लगानीकर्तालाई १० प्रतिशत र राप्तिभेरीका लगानीकर्तालाई ६ प्रतिशत बोनस शेयर दिने बताएको थियो । दुई थरी बोनस हुँदा कुन मूल्यलाई आधार मानेर मूल्य समायोजन होला भन्ने अन्योल भएको थियो। नेप्सेका प्रबक्ता पराजुलीले १० प्रतिशतलाई आधार मानेर मूल्य समायोजन गरिने बताए । बैंकको बिहिबार १७८ रुपियाँमा शेयर कारोबार भएको थियो । १० प्रतिशतलाई आधार मानेर मूल्य समायोजन गर्दा मूल्य १६१ रुपियाँ कायम हुनेछ ।