कृषि विकास बैंकले लाभांश घोषणा गरेको छ । बैंकको पुस १७ गते बसेको संचालक समितिको बैठकले गत आर्थिक बर्षको संचित मुनाफाबाट २० प्रतिशत बोनस शेयर र सो को कर प्रयोजनको लागि १.०५३ प्रतिशत नगद लाभांश वितरण गर्ने प्रस्ताव गरेको हो ।
त्यस्तै बैंकले नेपाल सरकारको हाल कायम फिर्ता नहुने आग्राधिकार शेयर पुँजीमा समेत बार्षिक ६ प्रतिशतले नगद लाभांश वितरण गर्ने समेत प्रस्ताव गरेको छ ।
उक्त प्रस्ताव नेपाल राष्ट्र बैंकले स्वीकृति दिएपछि र बैंकको साधारणसभाले पारित गरेपछि लगानीकर्ताललाई वितरण हुनेछ ।
हाल बैंकको चुक्ता पुंजी ७ अर्ब ८ करोड रहेकोमा प्रस्तावित बोनस वितरणपछि चुक्ता पुंजी ८ अर्ब ५० करोड पुग्ने छ ।