पोखारा फाईनान्सले लाभांश घोषणा गरेको छ । कम्पनीको बिहिबार बसेको संचालक समितिको बैठक बैठकले गत आर्थिक बर्षको मुनाफाबाट ९.५० प्रतिशत बोनस शेयर र ०.५० नगद लाभांश वितरण गर्ने प्रस्ताव गरेको हो ।
पोखरा फाईनान्सले यहि पुस ३० गते देखि १५ प्रतिशत हकप्रद बिक्रि गर्दै छ । हकप्रदले समेत प्रस्तावित लाभांश पाउने भएकाले हकप्रदपछि कायम हुने पुंजीलाई आधार मान्दा लाभांश प्रतिशत परिवर्तन हुने कम्पनीले जनाएको छ ।
हाल कम्पनीको पुंजी ६५ करोड ५७ लाख रहेको छ । १५ प्रतिशत हकप्रद बिक्रिपछि कम्पनीको चुक्ता पुंजी ७५ करोड ५१ लाख पुग्ने छ ।
हकप्रदपछिको पुंजीलाई आधार मान्दा लगानीकर्ताले ८.२६ प्रतिशत बोनस शेयर र ०.४३५ प्रतिशत नगद लाभांश प्राप्त गर्ने छन् ।
उक्त प्रस्ताव नेपाल राष्ट्र बैंकले स्वीकृति दिएपछि र कम्पनीको साधारणसभाले पारित गरेपछि लगानीकर्तामा वितरण हुनेछ । नियामक निकायले प्रस्तावित लाभांश परिवर्तन गर्न सुझाव दिएमा दर परिवर्तन हुन् सक्ने कम्पनीले स्पष्ट पारेको छ ।
बोनस र हकप्रद पश्चात कम्पनीको चुक्ता पुंजी ८१ करोड ६४ लाख पुग्ने छ ।
