एनआईसी एसिया क्यापिटलले माघ २ गतेदेखि एक अर्ब बराबरको 'एनआईसी एसिया ग्रोथ फण्ड ' बिक्रि गर्ने भएको छ । एनआईसी एसिया बैंकको सहायक कम्पनीको रुपमा रहेको एनआईसी एसिया क्यापिटलले एक अर्ब रुपैयाँको १० करोड इकाईको म्युचअल फण्ड निष्काशन गर्न लागेको हो ।
अब क्यापिटलले एक अर्ब रुपैयाँ बराबरको दश करोड ईकाइ बिक्री गर्नेछ । जसमध्ये १५ प्रतिशत अर्थात एक करोड पचास लाख इकाई कोष प्रबद्धक एनआइसी एशिया बैंक र क्यापिटललाई सुरक्षित गरिएको छ । बाँकी आठ करोड ५० लाख इकाई सर्वासाधारणले खरिद गर्न सक्ने छन् ।
इच्छुक लगानीकर्ताले न्यूनतम एक सय इकाईदेखि अधिकतम २० लाख इकाईसम्म आवेदन गर्न सकिने सक्ने छन् । बढी माग आवेदन परेमा क्यापिटलले फण्डको आकार २५ प्रतिशतसम्म बढाउन सक्ने छ । लगानीकर्ताले माघ ८ गतेसम्म आस्वा सदस्यमा सहभागि सबै वित्तीय संस्थाबाट आवेदन दिन सक्ने छन् ।
याे सामुहिक लगानी कोष सात बर्षे बन्दमुखी योजना हाे ।
हाल बजारमा १२ वटा यस्ता सामूहिक लगानी कोष सञ्चालनमा रहेका छन् ।