स्पर्स लघुवित्त वित्तीय संस्थाले २ लाख ४० हजार कित्ता साधरण शेयर निष्काशन गर्ने भएको छ । केन्द्रीय कार्यालय, पोखरा लेखनाथमा शुक्रबार सम्पन्न भएको कम्पनीको पहिलो साधरणसभाले साधरण शेयर निष्काशन गर्ने प्रस्ताव पारित गरेको हो ।
कम्पनीले जारी पुँजी ८ करोड रुपैयाँको ३० प्रतिशतले हुन आउने २ करोड ४० लाख बराबरको साधारण शेयर सर्वसधारणको लागि जारी गर्न लागेको हो ।
साधरणसभाले थप ५ जिल्लामा कार्यक्रम विस्तार गर्ने प्रस्ताव समेत पारित गरेको छ भने संचालक समितिका सदस्य समेत चयन गरेको छ । संस्थापक समूह अन्र्तगतको ४ जना संचालकमा प्रा.डा. सुशिलभक्त माथेमा, डा. सुरेन्द्र न्यौपाने र जनता बैंकको तर्फबाट अजय कुमार मिश्र गरी निर्बिरोध चयन भएका हुन् । संचालक समितिको अध्यक्षमा प्रा.डा. सुशिलभक्त माथेमा चयन भएका छन् ।
संस्थाको संस्थापकहरुमा जनता बैंक , टुरिजम डेभलपमेन्ट बैंक तथा ७५ जना व्यवसायिक र प्रतिष्ठित व्यक्तित्वहरु रहेका छन् । हाल संस्थाले १५ वटा शाखा मार्फत करिब ३,४०० सदस्यहरुलाई ११ करोड कर्जा लगानी गरेको र करीब १ करोड ६० लाख बचत संकलन गरेको जनाएको छ ।