पाइपलाइनमा रहेको हकप्रदले समेत पाउने गरी नेपाल इन्स्योरेन्सले गर्यो लाभांश घोषणा

नेपाल इन्स्योरेन्स कम्पनीले लाभांश घोषणा गरेको छ । कम्पनीको मंगलबार बसेको संचालक समितिको बैठकले हकप्रदले समेत पाउने गरी २.२६ प्रतिशत बोनस वितरण गर्ने प्रस्ताव गरेको हो   । 

 कम्पनीले हाल कायम चुक्ता पुंजीको ४.५२ प्रतिसत बोनस प्रस्ताव गरेपछि हकप्रद बिक्रि वितरण पश्चात कायम हुने पुंजीलाई समेत आधार मान्दा बोनस प्रतिशत २.२६ हुने भएको हो  ।

कम्पनीले ७ लाख १९ हजार २५ रुपियाँ ५३ पैसा बराबरको नगद लाभांश समेत प्रस्ताव गरेको छ  । 

हाल कम्पनीको चुक्ता पुंजी ३० करोड १९ लाख ८८ हजार रहेको छ  । कम्पनीले शत प्रतिशत हकप्रद निष्काशनको प्रक्रिया अगाडी बढाएको छ  । शत प्रतिशत हकप्रद निष्काशन पश्चात कम्पनीको चुक्ता पुंजी ६० करोड ३९ लाख ७७ हजार पुग्ने छ  । 

२.२६ प्रतिशत बोनस पछि कम्पनीको चुक्ता पुंजी ६१ करोड ७६ लाख ३८ हजार पुग्ने छ । 

कम्पनीको उक्त प्रस्ताव बिमा समितिले स्वीकृति दिएपछि र कम्पनीको साधारणसभाले पारित गरेपछि मात्र लगानीकर्तालाई वितरण हुने छ  ।