कामना सेवा विकास बैंकले माघ १५ गतेदेखि हकप्रद निष्काशन गर्ने भएको छ । बैंकले १०:१.५ को अनुपातमा १५ प्रतिशत हकप्रद निष्काशन गर्न लागेको हो ।
अब बैंकले ३० करोड ९४ लाख बराबरको ३० लाख ९४ हजार १ सय ५४ दशमलव ७७ कित्ता हकप्रद शेयर निष्काशन गर्न गर्ने छ । हकप्रद निष्काशनको लागि एनएमबि क्यापिटल बिक्रि प्रबन्धक रहेको छ ।
हकप्रद निष्काशन प्रयोजनार्थ कामना सेवा विकास बैंकले बुक क्लोज मिति तय गरेको छ । हकप्रद निष्काशन प्रयोजनार्थ बैंकले माघ ३ गते बुक क्लोज गर्ने निर्णय गरेको छ । माघ २ गते सम्म कायम शेयरधनीले मात्र हकप्रद भर्न पाउने छन् । लगानीकर्ताले फागुन २० गते सम्म हकप्रदको लागि आवेदन दिन सक्ने छन् ।
लगानीकर्ताले एनएमबि क्यापिटलको कार्यालय नक्साल, र एनएमबि बैंकका उपत्यका भित्रका चाबहिल, कलंकी, तिनकुने, महाराजगन्ज, काठमाडौँ , लुभी , ठईब, पुल्चोक कुमारी पाटी , ललितपुर, सुर्यबिनायाक, भक्तपुर शाखा बाट आवेदन दिन सक्ने छन् । त्यस्तै एनएमबि बैंकका उपत्यका बाहिरका तीनदोबाटो बनेपा, मिलनचोक बुटवल, महेन्द्र पथ धरान, रंगेली रोड , बिराटनगर, ,. सुर्खेत रोड नेपालगञ्ज, बसपार्क रोड धनगढी, न्युरोड पोखरा, आदर्शनगर बिरगंज, भानुचोक जनाकरपुर, नारायणगढ चितवन र बिर्तामोड झापा बाट आवेदन दिन सक्ने छन् ।
त्यस्तै कामना सेवा बैंकको शाखाबाट पनि हकप्रद भर्न सकिने छ ।
हाल बैंकको चुक्ता पुंजी २ अर्ब ५ करोड रहेकोमा हकप्रद निष्काशनपछि बैंकको चुक्ता पुंजी २ अर्ब ३६ करोड पुग्ने छ ।
बैंकले यस आथिक बर्षको पहिलो त्रैमासमा २० लाख ६१ हजार खुद नाफा कमाएको थियो ।
