शिवम सिमेन्टस लिमिटेडले प्रिमियममा आईपिओ निष्काशन गर्ने भएको छ । आईपिओ प्रस्ताव पारित गर्न कम्पनीले माघ २१ गते आइतबार बिशेष साधारण सभा डाकेको छ । कम्पनीको कर्पोरेट कार्यलय अनामनगरमा हुने बिशेष साधारण सभामा पुंजी वृद्धि प्रस्ताव, शेयर निष्काशन प्रस्तावमा छलफल हुने कम्पनीले जनाएको छ ।
हाल कम्पनीको चुक्ता पुंजी ४ अर्ब ३० करोड छ । त्यसलाई बढाएर ४ अर्ब ४० करोड कायम गर्ने प्रस्ताव साधारण स्वाहामा पेश हुने छ । त्यस्तै ४ अर्ब ४० करोडका दरले हुन् आउने ४ करोड ४० लाख शेयर मध्ये ५२ लाख ८० हजार थान शेयर सर्बसाधारणलाई निष्काशन गर्ने प्रस्ताव साधारण सभामा पेश हुने छ । उद्योग प्रभावित स्थानीय बासिन्दा समेतलाई गरी कम्पनीले ५२ लाख ८० हजार कित्ता शेयर निष्काशन गर्ने प्रस्ताव गरेको हो। यी शेयर प्रिमियम मूल्यमा जारि गर्ने कम्पनीले जनाएको छ ।
धितोपत्र बोर्डले बास्तविक क्षेत्रका कम्पनीहरुलाई प्रिमियम मुल्यमा आईपिओ निष्काशन गर्ने सक्ने ब्यबस्था गरेको छ ।
