साताको दोस्रो दिन आज सोमबार बजार परिसूचक नेप्से झिनो अंकले घटेको छ । आज नेप्से सूचक ०.५८ अंकले ओरालो लागेर १४०२.०९ को बिन्दुमा पुगेर रोकिएको छ । आज कारोबारमा आएका १ सय ६३ कम्पनीका ९ लाख ५४ हजार ६ सय ३० कित्ता शेयर खरिद बिक्रिबाट ३६ करोड ६४ लाख ३० हजार ९ सय ३४ रुपियाँको कारोबार भएको छ ।
आज बैंकिंग, ट्रेडिङ, होटेल, हाइड्रो र उत्पादन समूह बाहेकका सबै सूचक घटेका छन् । आज सानिमा माई हाइड्रोको सबै भन्दा धेरै ५ करोड १८ लाख बराबरको कारोबार भएको छ । अन्य बढी कारोबार हुनेमा नेको इन्स्योरेन्स, फस्ट माइक्रोफाइनान्स, सनराइज बैंक संस्थापक शेयर, नबिल बैंक लगायत रहेका छन् ।
आज कामना सेवा विकास बैंकका लगानीकर्ताले सर्बाधिक ७.५९ प्रतिशत र बिशाल बजार कम्पनीका लगानीकर्ताले ७.०१ प्रतिशत कमाएका छन् । रिडी हाइड्रो, मन्जुश्री फाइनान्स, कन्काई विकास लगायत पनि बढी कमौनेको सुचीमा परेका छन् ।
आज बेस्ट फाइनान्स कम्पनीका लगानीकर्ताले सर्बाधिक ४.३ प्रतिशत गुमाएका छन् ।