सिद्दार्थ इन्स्योरेन्सले नगद लाभांश लिन बाँकी रहेका सम्पूर्ण शेयरधनीलाई आगामी फागुन ८ गतेसम्म नगद लाभांश लिन अनुरोध गरेको छ । कम्पनीले आर्थिक ६५/६६ तथा ६६/६७ मा वितरण गरिएको नगद लाभांश लिन हरेक बर्ष सूचना जारि गरेपनि केहि शेयरधनीहरु उक्त रकम लिन नआएको बताएको छ ।
कम्पनीले फागुन ८ गते भित्र शेयर रजिस्ट्रार एनएमबि क्यापिटलमा गएर आफ्नो लिन बाँकी नगद लाभांश चेक लिन आग्रह गरेको छ । सो समयसम्म पनि लाभांश लिन नआएमा उक्त रकम लगानीकर्ता संरक्षण कोषमा जम्मा गरिने र त्यसपश्चात लगानीकर्ताले लाभांश नपाउने कम्पनीले स्पष्ट पारेको छ ।
कम्पनी ऐन २०६३ को दफा १८२ को उपदफा ९ मा कम्पनीको साधारणसभाले निर्णय गरेको ५ बर्षसम्म पनि शेयरधनीले लाभांश बुझी लिन नआएमा भुक्तानी हुन् बाँकी रकम लगानीकर्ता संरक्षण कोषमा जम्मा गर्नु पर्ने ब्यबस्था छ ।
