हकप्रद निष्काशन प्रयोजनार्थ सिद्दार्थ बैंकले बुक क्लोज मिति तय गरेको छ । बैंकले १०:१ को अनुपातमा १० प्रतिशत हकप्रद निष्काशन गर्न लागेको हो ।
हकप्रद निष्काशन प्रयोजनार्थ बैंकले माघ २२ गते बुक क्लोज गर्ने निर्णय गरेको छ । माघ २१ गतेसम्म कायम शेयरधनीले मात्र हक्प्रद्को लागि आवेदन दिन सक्ने छन् ।
अब सिद्दार्थ बैंकले ६८ लाख २६ हजार ११७ दशमलव १९ कित्ता हकप्रद जारी गर्ने छ ।
बैंकको हाल चुक्ता पुंजी ६ अर्ब ८२ करोड रहेको छ । बैंकले गत बर्षको मुनाफाबाट १४ प्रतिशत बोनस प्रस्ताव गरेको छ । प्रस्तावित १४ प्रतिशत बोनस शेयर र १० प्रतिशत हकप्रद शेयर समेतबाट बैंकको चुक्ता पुँजी ८ अर्ब ४६ करोड पुग्नेछ।
