सिद्दार्थ बैंकले फागुन २ गतेदेखि हकप्रद निष्काशन गर्ने भएको छ । बैंकले १०:१ को अनुपातमा १० प्रतिशत हकप्रद निष्काशन गर्न लागेको हो । अब सिद्दार्थ बैंकले ६८ लाख २६ हजार ११७ दशमलव १९ कित्ता हकप्रद जारी गर्ने छ ।
हकप्रद निष्काशन प्रयोजनार्थ बैंकले माघ २२ गते बुक क्लोज गर्ने निर्णय गरेको छ । माघ २१ गतेसम्म कायम शेयरधनीले मात्र हक्प्रद्को लागि आवेदन दिन सक्ने छन् । लगानीकर्ताले चैत ६ गतेसम्म हकप्रद भर्न सक्ने छन् ।
लगानीकर्ताले सिद्धार्थ बैंकका सम्पूर्ण शाखा कार्यालय, लक्ष्मी क्यापिटल, सिद्धार्थ क्यापिटल तथा आस्वा सदस्य सबै बैंक तथा वित्तीय संस्थाबाट हकप्रद सेयरका लागि आवेदन गर्न सक्ने छन्।
बैंकको हाल चुक्ता पुंजी ६ अर्ब ८२ करोड रहेको छ । बैंकले गत बर्षको मुनाफाबाट १४ प्रतिशत बोनस प्रस्ताव गरेको छ । प्रस्तावित १४ प्रतिशत बोनस शेयर र १० प्रतिशत हकप्रद शेयर समेतबाट बैंकको चुक्ता पुँजी ८ अर्ब ४६ करोड पुग्नेछ।