एनएलजी इन्स्योरेन्सको बोनस सुरक्षित गर्ने आज माघ १७ गते अन्तिम दिन रहेको छ । कम्पनीको पुस ३ गते बसेको संचालक समितिको बैठकले लगानीकर्ताकर्तालाई २५ प्रतिशत बोनस र १.३१५ प्रतिशत नगद लाभांश वितरण गर्ने प्रस्ताव गरेको थियो ।
उक्त प्रस्ताव पारित गर्न कम्पनीले फागुन ३ गते साधारणसभा डाकेको छ । साधारणसभा प्रयोजनार्थ कम्पनीले माघी १८ गते बुक क्लोज गर्ने निर्णय गरेको छ । आज माघ १७ गतेसम्म कायम शेयरधनीले मात्र साधारणसभामा भाग लिन र बोनस प्राप्त गर्न सक्ने छन् ।
हाल कम्पनीको चुक्ता पुंजी ५१ करोड २३ लाख रहेको छ । प्रस्तावित बोनस पछि कम्पनीको चुक्ता पुंजी ६४ करोड ६ लाख पुग्ने छ । बिमा समितिले तोके अनुसारको १ अर्ब चुक्ता पुंजी पुर्याउन कम्पनीले थप ३५ करोड पुंजी थप गर्नु पर्ने छ ।
कम्पनीले चालु आर्थिक बर्षको पहिलो त्रैमासमा ५ करोड २५ लाख नाफा कमाएको थियो ।