शेयर लगानीकर्ता संघ नेपालले समयमै अनलाइन प्रणाली ल्याउन सरोकारवालालाई सचेत गराएको छ । संघले पूँजीबजारको विकास र विस्तारका सम्बन्धमा सरोकारवाला पक्षहरु सँग निरन्तर अन्तरक्रिया गर्ने उद्देश्य अनुरुप अनलाइन कारोबार र पूँजी बजारको समसामयिक विषयमा आज नेपाल स्टक एक्सचेन्ज र भेण्डर कम्पनी (वाइको) संग छुट्टाछुट्टै भेटघाट गरेको थियो ।
संघले भेटघाट गरि समयमै अनलाइन प्रणाली ल्याउन र यस सम्बन्धमा भएका प्रगतिहरुको बारेमा जानकारी लिएको छ। साथै संघले समयमै सो सेवा ल्याउनु पर्ने विषयमा सरोकारवाला पक्षहरुलाई सचेत र सूसुचित गराउने कार्य गरेको संघका उपाध्यक्ष तारा प्रसाद फुल्लेलले बिजपाटीलाई जानकारी दिएका छन् ।