फस्ट माइक्रोफाइनान्स लघुबित्त वित्तीय संस्थाले आज फागुन १८ गतेदेखि हकप्रद बिक्रि खुला गरेको छ । कम्पनीले २:१ को अनुपातमा ५० प्रतिशत हकप्रद निष्काशन गरेको हो । अब कम्पनीले २२ लाख ८१ हजार ३ सय १३ कित्ता हकप्रद निष्काशन गर्ने छ।
हकप्रद निष्काशनको लागि ग्लोबल आईएमइ क्यापिटल बिक्रि प्रबन्धक चयन भएको छ । हकप्रद निष्काशन प्रयोजनार्थ कम्पनीले माघ ९ गते बुक क्लोज गर्ने निर्णय गरेको छ । माघ ८ गते सम्म कायम शेयरधनीले मात्र हकप्रदमा आवेदन दिन सक्ने छन् । लगानीकर्ताले २३ गतेसम्म हकप्रद भर्न सक्ने छन् ।
लगानीकर्ताले ग्लोबल आईएमइ क्यापिटलको कार्यालय जमल, फस्ट माइक्रोफाइनान्सको शाखा कार्यालय ज्ञानेश्वर काठमाडौँ , उर्लाबारी मोरंग, भरतपुर चितवन तथा आश्वा शेयर सदस्य तथा मेरोशेयरबाट आवेदन दिन सक्ने छन् ।
कम्पनीको असोज ८ गतेको साधारणसभाले १५ प्रतिशत बोनस प्रस्ताव र कर प्रयोजनको लागि ०.७९ प्रतिशत नगद लाभाश प्रस्ताव र बोनस वितरणपछि ५० प्रतिशत हकप्रद निष्काशन गर्ने प्रस्ताव पारित गरेको थियो ।
कम्पनीले गत बर्ष ८ करोड २ लाख रुपियाँ खुद नाफा गरेको थियो। हाल कम्पनीको चुक्ता पुंजी ३९ करोड ६७ लाख रहेकोमा १५ प्रतिशत बोनस र ५० प्रतिशत हकप्रदपछि चुक्ता पुंजी ६८ करोड ४३ लाख पुग्ने छ ।
