सयपत्री हाइड्रोपावर लिमिटेडले आईपिओ निष्काशन गर्ने भएको छ । कम्पनीले जारी पूँजी मध्ये १० प्रतिशत अर्थात ३,००,००० कित्ता साधारण शेयर उद्योग प्रभावित क्षेत्र बाग्लुङ्ग जिल्लाका स्थानिय बासिन्दाहरुलाई र २० प्रतिशत अर्थात ६,००,००० कित्ता साधारण शेयर सर्वसाधारणहरुमा जारी गर्न लागेको हो ।
शेयर जारि गर्नको लागि एनआईबिएल एस क्यापिटल लिमिटेड धितोपत्र निष्काशन तथा बिक्री प्रबन्धकमा नियुक्त भएको छ । शेयर निष्काशन सम्बन्धी सम्झौतापत्रमा सयपत्री हाईड्रोपावरको तर्फबाट अध्यक्ष डा.बद्री के.सी. र एनआईबिएल एस क्यापिटलको तर्फबाट महाप्रवन्धक मेख बहादुर थापाले हस्ताक्षर गरेका हुन। हाल उक्त कम्पनीको अधिकृत पूँजी रु.५० करोड र जारी पूँजी रु.३० करोड रहेको छ ।
सयपत्री हाइड्रोपावर लिमिटेडले बाग्लुङ्ग जिल्लाको ताराखोला गाउँपालिकामा २.५ मेगावाट क्षमता भएको दरम खोला “ए” जलबिद्युत आयोजनाको निर्माण कार्य सम्पन्न गरि मिति २०७३÷०३÷१२ बाट व्यापारिक विद्युत उत्पादन समेत गरिरहेको छ ।
