बिजपाटी सम्बाददाता     Mar 14, 2018



ruslan ruslan

उन्नति माइक्रोफाइनान्स वित्तीय संस्था लिमिटेडले हकप्रद निष्काशन गर्ने भएको छ  ।  कम्पनीको फागुन २९ गते बसेको संचालक समितिको बैठकले ४:१ को अनुपातमा २५ प्रतिशत हकप्रद शेयर निष्काशन गर्ने निर्णय गरेको हो  । 

संचालक समितिले हाल कायम पुंजी ५ करोड ५० लाख को २५ प्रतिशतले हुन् आउने १ करोड ५० लाख ३७ हजार बराबरको हकप्रद निष्काशन गर्ने प्रस्ताव गरेको हो  । उक्त प्रस्ताव पारित गर्ने कम्पनीले  चैत्र २१ गते साधारणसभा डाकेको छ  । 

साधारणसभा प्रयोजनको लागि कम्पनीले चैत्र ७ गते बुक क्लोज गर्ने निर्णय गरेकाले चैत्र ६ गतेसम कायम शेयर धनीले साधारणसभामा भाग लिन र मतदान गर्न पाउने छन्  । 

 नेपाल स्टक एक्चेन्ज नेप्सेमा गत मंगलबारबाट मात्र उन्नति माइक्रोफाइनान्स वित्तीय संस्था लिमिटेडको कारोबार सुरु भएको थियो । कम्पनीको कारोबार UMB कोडबाट भएको हो। कम्पनीको पहिलो कारोबारको लागि नेप्सेले १६८.५९ देखि ५०६ सम्मको सुरुवाती मूल्य तोकेको थियो  । 

  माइक्रोफाइनान्सले पुष २१ देखि पुस २५ सम्म १ करोड ६५ लाख बराबरको १ लाख ६५ हजार कित्ता आईपिओ निष्काशन गरेको थियो । जसमा ४ प्रतिशत अर्थात् ६६०० कित्ता कर्मचारीलाई, ५ प्रतिशत अर्थात् ८२५० कित्ता सामुहिक लगानी कोषलाई र बाँकि १ लाख ५० हजार १ सय ५० कित्ता सर्बसाधारणलाई छुट्टयाइएको थियो। 

हाल कम्पनको चुक्ता पुंजी ५ करोड ५० लाख रहेकोमा हकप्रद निष्काशनपछि कम्पनीको चुक्ता पुंजी ६ करोड ८७ लाख पुग्ने छ  । कम्पनीले चालु आर्थिक बर्षको पहिलो त्रैमासमा ४५ लाख ११ हजार खुद मुनाफा गरेको छ। रुपन्देहीमा केन्द्रिय कार्यालय रहेको यस माइक्रोफाइनान्सले १० जिल्लामा सेवा प्रदान गर्दै आएको छ ।

Share your thoughts!











Close in 7