साताको चौथो दिन आज बुधबार बजार परिसूचक बढेको छ। आज नेप्से सूचक ४.०६ अंकले बढेर १२८५.९६ को उचाईमा पुगेको छ । आज कारोबारमा आएका १ सय ५६ कम्पनीका ६ लाख २३ हजार ८ सय ८५ कित्ता शेयर खरिद बिक्रिबाट १८ करोड ४५ लाख ९९ हजार १ सय १ रुपियाँको कारोबार भएको छ ।
आज कारोबारमा आएका होटेल, फाइनान्स र उत्पादन बाहेकका सबै सूचक बढेका छन्।
आज नेपाल लाइफ इन्स्योरेन्सको सबै भन्दा धेरै १ करोड ५ लाख बराबरको कारोबार भएको छ। अन्य बढी कारोबार हुनेमा नबिल बैंक, एभरेस्ट बैंक, नेपाल इन्भेस्टमेन्ट बैंक संस्थापक शेयर, जनता बैंक लगायत रहेका छन् ।
आज वल्ड मर्चेन्ट बैंकिंग एण्ड फाइनान्सका लगानीकर्ताले सबै भन्दा धेरै ७.२७ प्रतिशत कमाएका छन् । त्यस्तै आज सहयोगी विकास बैंकको शेयर मूल्य ६.४२ प्रतिशत, फस्ट माइक्रोफाइनान्स डेभलपमेन्ट बैंकको शेयर मूल्य ५.४७ प्रतिसत, हाम्रो विकास बैंकको ४.७९ प्रतिशत, अपि पावरको शेयर मूल्य ३.९० प्रतिशतले बढेको छ ।
आज नयाँ नेपाल लघुवित्तको शेयर मूल्य सर्बाधिक ३.८६ प्रतिशतले घटेको छ । त्यस्तै अन्य बढी गुमाउनेमा श्री इन्भेस्टमेन्ट एण्ड फाइनान्स (३.७५ प्रतिशत), सोल्टी होटेल (२.४ प्रतिशत), शांग्रिला डेभलपमेन्ट बैंक (२.२३ प्रतिशत), लक्ष्मी ईक्वीटी फण्ड (१.९७ प्रतिशत) रहेका छन् ।