नेको इन्स्योरेन्सको हकप्रद भर्ने आज चैत्र १ गते अन्तिम दिन रहेको छ । इन्स्योरेन्सले माघ २६ गतेदेखि २:१ को अनुपातमा ५० प्रतिशत हकप्रद निष्काशन गरेको हो । कम्पनीले ३९ लाख २० हजार ९ सय २८ दशमलव ११ कित्ता हकप्रद निष्काशन गरेको हो ।
हकप्रद निष्काशन प्रयोजनार्थ कम्पनीले माघ ९ गते बुक क्लोज गर्ने निर्णय गरेकोले माघ ८ गतेसम्म कायम शेयरधनीले मात्र हकप्रद भर्न सक्ने छन् । लगानीकर्ताले चैत्र १ गतेसम्म हकप्रद भर्न सक्ने छन् । हकप्रद निष्काशनको लागि एनएमबि क्यापिटल बिक्रि प्रबन्धक रहेको छ ।
कम्पनीको असोज १० गते बसेको २२ साधारणसभाले १० प्रतिशत बोनस र ५० प्रतिशत हकप्रद प्रस्ताव पारित गरेको थियो । हाल कम्पनीको चुक्ता पुंजी ७१ करोड २८ लाख रहेकोमा ५० प्रतिशत हकप्रदपछि कम्पनीको चुक्ता पुंजी १ अर्ब १७ करोड पुग्ने छ ।
