कर्णाली डेभलपमेन्ट बैंकको हकप्रद भर्ने आज चैत्र १ गते अन्तिम दिन रहेको छ।
बैंकले माघ ११ गतेदेखि १ बराबर २.२५ अर्थात २२५ प्रतिशतका दरले हकप्रद बिक्रि खुला गरेको हो। बैंक यस अघि फागुन १६ गतेसम्म मात्र हकप्रद भर्न सकिने बताएकोमा सूचना प्रकाशित गरी हकप्रद भर्ने म्याद थप गरेर चैत्र १ गते सम्म पुर्याएको थियो । जस अनुसार लगानीकर्ताले आज चैत्र १ गते बैंकिंग समय भित्र हकप्रद भरि सक्नु पर्ने छ ।
हकप्रद प्रयोजनार्थ बैंकले पुष २० गते बुक क्लोज गरेकाले पुस १९ गतेसम्म कायम शेयरधनीले हकप्रदको लागि आवेदन दिन सक्ने छन। बैंकले प्रति कित्ता १ सय रुपैयाँका दरले ३३ करोड ९७ लाख बराबरको ३३ लाख ९७ हजार कित्ता हकप्रद बिक्रि खुला गरेको हो। बैंकको सेयर निष्काशन तथा बिक्रि प्रबन्धकमा प्रभु क्यापिटल रहेको छ।
पुष १९ सम्म कायम इच्छुक शेयरधनीहरुले प्रभु क्यापिटलको कार्यालय कमलादी , कर्णाली विकास बैंकका शाखाहरु, प्रभु बैंकको बिराटनगर , बिरगंज, पोखरा , बुटवल र धनगढी शाखा तथा नेपाल धितोपत्र बोर्डबाट इजाजत प्राप्त आश्वा सेवामा सहभागी सम्पूर्ण बैंक तथा वित्तीय संस्थाबाट हकप्रदमा आवेदन दिन भर्न सक्ने छन।
२२५ प्रतिशत हकप्रद बिक्रि तथा वितरण पश्चात बैंकको चुक्ता पुंजी ४९ करोड ७ लाख पुग्नेछ। हाल बैकको चुक्ता पुंजी १५ करोड १० लाख छ। हाल बैंकको चुक्ता पुंजी १५ करोड १० लाख रहेकोमा २ सय २५ प्रतिशत हकप्रद निष्काशनपछि बैंकको चुक्ता पुंजी ४९ करोड ७ लाख पुग्ने छ । कम्पनी चालु आर्थिक बर्षको पहिलो त्रैमासमा १ करोड ६९ लाखले नोक्सानीमा छ।
