सिभिल बैंकले अवितरित हकप्रद शेयर लिलामको लागि आवेदन आह्वान गर्दा परेका गोप्य सिल्ड टेण्डर आगामी मंगलबार खोलिने भएको छ । बिक्रि प्रबन्धक लक्ष्मी क्यापिटलका अनुसार चैत्र ६ गते मंगलबार बिहान ९: ३० बजे देखि बानेश्वरको हिरा प्यालेसमा गोप्य सिल्ड टेण्डरहरु खोलिने भएको हो ।
बैंकले हकप्रद बिक्रि खुला गर्दा आबेदन नपरेका ४२ लाख ३८ हजार ९५८ कित्ता सेयर फागुन २३ देखि चैत १ सम्म लिलाम मार्फत बिक्रि गरेको थियो । बैंकले लिलाममा राखेको शेयर मध्ये ३२ लाख ४४ हजार ६ सय दशमलव २५ कित्ता संस्थापक र ९ लाख ९२ हजार ८ सय १९ दशमलव ५० कित्ता साधारण शेयर थिए ।
बैंकले गत मङ्सिर २२ देखि माघ १२ गतेसम्म १०० बराबर ४० अर्थात ४० प्रतिशतका दरले २ अर्ब ७० करोड रुपैयाँ बराबरको २ करोड ७ लाख कित्ता हकप्रद बिक्रि खुला गरेको थियो। जसमा करिब २०.४३ प्रतिशत शेयरमा आबेदन नपरेको हो।
लक्ष्मी क्यापिटलका अनुसार लिलाममा करिब ३८ सय आवेदन परेका छन् । यी टेण्डर अब चैत्र ६ गते मंगलबार बिहान ९: ३० बजे देखि खोलिने छन् । सर्बाधिक मूल्य कबुल गर्नेले लिलामको शेयर पाउने छन् ।
हाल बैंकको चुक्ता पुंजी ५ अर्ब १८ करोड रहेको छ । हकप्रदपछि बैंकको चुक्ता पुंजी ७ अर्ब २५ करोड पुग्ने छ । बैंकले चालु आर्थिक बर्षको दोस्रो त्रैमासमा २१ करोड ९७ लाख खुद नाफा गरेको थियो।
