दोर्दीखोला जलविद्युत कम्पनी लिमिटेडले आईपिओ निष्कासनको तयारी गरेको छ । कम्पनीले आईपिओ निष्काशनको प्रस्ताव राखेर चैत २८ गते साधारण सभा बोलाएको छ ।
कम्पनीले सर्वसाधारण र आयोजना प्रभावित स्थानीय बासिन्दाका लागि साधारण शेयर निष्काशन गर्ने प्रस्ताव साधारणसभामा लैजाने भएको हो ।
कम्पनीले लम्जुङमा १२ मेगावाटको दोर्दीखोला एक आयोजना निर्माण गरिरहेको छ । आयोजनाको अनुमानित लागत २ अर्ब २९ करोड रुपैयाँ छ । उक्त आयोजनामा सानिमा बैंकको नेतृत्वमा लक्ष्मी बैंक,कृषि विकास बैंक, कैलाश विकास बैंक लगायतले एक अर्ब ४० करोडको ऋण लगानी छ । आयोजना आउदो डेढ वर्षमा सम्पन्न हुने लक्ष्य कम्पनीको छ ।
