सेन्ट्रल फाइनान्सले गतबर्षको मुनाफाबाट लाभांश प्रस्ताव गरेको छ । कम्पनीको सोमबार बसेको संचालक समितिको बैठकले हकप्रदले समेत पाउने गरी ८.५ प्रतिशत बोनस सेयर वितरण गर्ने प्रस्ताव गरेको हो ।
फाइनान्सले गत पुस २३ गतेदेखि फागुन १३ गतेसम्म चुक्ता पूँजी ५२ करोड ६ लाख को ५० प्रतिशत हकप्रद बिक्री गरेको थियो ।
कम्पनीले हालसालै बिक्री गरेको ५० प्रतिशत हकप्रदले समेत पाउनेगरी ६ करोड ६३ लाख ८४ हजार ५०९ रुपैयाँ बराबरको बोनस सेयर वितरण गर्ने प्रस्ताव गरेको हो । साथै बैठकले बोनसमा लाग्ने कर प्रयोजनको लागि ३४ लाख ९३ हजार ९२२ रुपैयाँ नगद लाभांश वितरण गर्ने प्रस्ताव गरेको छ ।
उक्त प्रस्ताव नेपाल राष्ट्र बैंकले अनुमति दिएपछि र कम्पनीको आगामी साधारणसभाले पारित गरेपछि लगानीकर्तामा वितरण हुने छ । हकप्रद र प्रस्तावित बोनसपछि कम्पनीको चुक्ता पूँजी ८४ करोड ७३ लाख नाघ्नेछ ।
