साताको चौथो दिन आज बुधबार पनि बजार परिसूचक नेप्से दोहोरो अंकले घटेको छ । आज नेप्से सूचक २४.४० अंकले घटेर १२३१.०७ को बिन्दुमा पुगेर रोकिएको छ । आज कारोबारमा आएका १ सय ५१ कम्पनीका १४ लाख १७ हजार ७ सय ८ कित्ता शेयर खरिद बिक्रिबाट ३७ करोड ८३ लाख ८७ हजार ११ रुपियाँको कारोबार भएको छ ।
आज नेपाल लाइफ इन्स्योरेन्सको सबैभन्दा धेरै ३ करोड ४६ लाख बराबरको कारोबार भएको छ । अन्य बढी कारोबार हुनेमा नेपाल बैंक, नबिल बैंक, सानिमा बैंक, एभरेस्ट बैंक लगायत रहेका छन् ।
आज कारोबारमा आएका उत्पादन समुह बाहेकका सबै समुहगत सूचक घटेका छन् ।
आज युनिलिभर नेपाल लिमिटेडको शेयर मूल्य सर्बाधिक ६.११ प्रतिशतले बढेको छ भने गुडविल फाइनान्सको शेयर मूल्य ३.२० प्रतिशतले बढेको छ । आज प्रोग्रेसिभ फाइनान्सको शेयर मूल्य सर्बाधिक ९.०९ प्रतिशतले घटेको छ भने महिला सहयात्रा माइक्रोफाइनान्सको शेयर मूल्य ६.७१ प्रतिशतले घटेको छ । आज १३९ कम्पनीको शेयर मूल्य घटेको छ ।
आज नेपाल बैंकको सबै भन्दा धेरै ६७ हजार ४ सय ७८ कित्ता सेयर खरिद बिक्रि भएको छ ।
