मंजुश्री फाइनान्स लिमिटेडले आज चैत्र ८ गतेदेखि हकप्रद निष्काशन बिक्रि खुला गरेको छ । फाइनान्सले १००:५ को अनुपातमा ५ प्रतिशत हकप्रद निष्काशन गरेको हो ।
फाइनान्सले ३३ करोड ६२ लाख १९ हजार रुपैयाँ बराबरको ३ लाख ६२ हजार १९० कित्ता हकप्रद बिक्रि गर्न लागेको हो । फाइनान्सले माघ ९ गते नेपाल धितोपत्र बोर्डबाट हकप्रद बिक्रि गर्ने अनुमति पाएको हो।
फाइनान्सको माघ २६ गते बसेको संचालक समितिको बैठकले ५ प्रतिशत हकप्रद प्रयोजनका लागि फागुन ९ का लागि बुक क्लोज गर्ने निर्णय गरेकोले फागुन ८ सम्म कायम शेयरधनीहरुले मात्र ५ प्रतिशत हकप्रद भर्न पाउनेछन।लगानीकर्ताले बैशाख १२ गतेसम्म हकप्रद भर्न सक्ने छन् ।
फाइनान्सको सेयर निष्काशन तथा बिक्रि प्रबन्धकमा साबिकको एस क्यापिटल रहेको छ। एस र एनआईबिएल क्यापिटल एक आपसमा गाभिएर माघ २८ देखि एनआईबिएल एस क्यापिटलको नाममा एकीकृत कारोबार थालेका छन।
लगानीकर्ताले एनआईबिएल एस क्यापिटलको कार्यालय लाजिम्पाट, शाखा कार्यालयहरु लालदरबार, काठमाडौँ, लगनखेल, ललितपुर, र चिप्लेढुंगा पोखराबाट हकप्रद भर्न सक्ने छन् भने मेरोशेयर मार्फत अनलाइन बाटैपनि हकप्रद भर्न सक्ने छन् । त्यस्तै मंजुश्री फाइनान्सको सम्पूर्ण शाखा कार्यालयबाट समेत हकप्रद भर्न सक्ने छन् । यसको अलावा सी आश्वामा आबद्द सम्पूर्ण बैंक तथा वित्तीय संस्थाबाट पनि हकप्रद भर्न सकिने छ।
हाल फाइनान्सको चुक्ता पुंजी ७२ करोड ४३ लाख छ। ५ प्रतिशत हकप्रद बिक्रि तथा वितरण पश्चात फाइनान्सको चुक्ता पुंजी ७६ करोड ५ लाख पुग्नेछ। कम्पनीले गत आर्थिक बर्षको मुनाफाबाट प्रस्ताव गरेको ६ प्रतिशत् बोनस र यस ५ प्रतिशत हकप्रद पछि कम्पनीको चुक्ता पुंजी ८० करोड ४० लाख पुग्ने छ ।
फाइनान्सले चालु आर्थिक बर्षको दोस्रो त्रैमासमा ४ करोड १४ लाख खुद मुनाफा आर्जन गरेको छ।
