आइएमई जनरल इन्स्योरेन्स लिमिटेडले हकप्रद निष्काशनको अनुमति माग्दै नेपाल धितोपत्र बोर्डमा आवेदन दिएको छ । कम्पनीले १०:८ को अनुपातमा ८० प्रतिशत हकप्रद निष्काशनको लागि अनुमति माग गरेको हो । अब कम्पनीले ४३ करोड २० लाख बराबरको ४३ लाख २० हजार कित्ता हकप्रद शेयर निष्काशन गर्ने छ ।
हकप्रद निष्काशनको लागि ग्लोबल आईएमइ लिमिटेड बिक्रि प्रबन्धक रहेको छ ।
हाल कम्पनीको चुक्ता पुंजी ५४ करोड रहेको छ। ८० प्रतिशत हकप्रदपछि कम्पनीको चुक्ता पुंजी ९७ करोड २० लाख पुग्ने छ । कम्पनीले बोनस वितरण गरेर १ अर्ब चुक्ता पुंजी पुर्याउने छ ।
कम्पनीले चालु आर्थिक बर्षको पहिलो त्रैमासमा २ करोड ५५ लाख खुद नाफा गरेको थियो ।