अर्थमन्त्रालयले आज शुक्रबार श्वेतपत्र सार्वजनिक गर्ने भएको छ । मन्त्रालयले आज ३ बजे बहुप्रतिक्षित श्वेतपत्र सार्वजनिक गर्न लागेको हो । श्वेतपत्रमा बर्तमान सरकारले सत्ता सम्हाल्नु अघि मुलुककाे अर्थतन्त्र कुन अवस्थामा थियाे र अब कसरी अघि बढ्छ भन्ने बिषय उल्लेख हुनेछ ।
अर्थ मन्त्रालयका प्रवक्ता अर्जुन पाेखरेलले श्वेतपत्रमा शेयर बजारसँगै बैंक तथा वित्तीय क्षेत्रलाई समग्र रुपमा समेटर विशेष कार्यक्रम अाउने बताए । सरकारले श्वेतपत्र मार्फत स्थानीय, प्रदेश र संघीय सरकारबीच स्रोत बाँडफाँड र वितरणमा देखिएको समस्या तथा भविष्यमा चाल्नुपर्ने रणनीतिलाई पनि सम्बोधन गर्ने बताएकाे छ ।
श्वेतपत्रमा निरन्तर घटेको सेयर बजारलाई लयमा फर्काउन केहि नयाँ कार्यक्रम आउने आशामा लगानीकर्ता रहेका छन् । श्वेतपत्रले हाल बैंकहरूमा देखिएको तरलता संकट समाधान गर्ने कस्तो कार्यक्रम ल्याऊला भन्नेमा बैंक तथा वित्तीय संस्थाहरुको चासो छ ।
अर्थमन्त्री युवराज खतिवडाले स्वेतपत्रका मुख्य बुंदा संसदमा पेश गर्ने र अर्थमन्त्रालयबाट त्यसलाई सार्बजनिक गर्ने तयारी गरेका छन्।