नेपाल इन्स्योरेन्स कम्पनी लिमिटेडले बैशाख ५ गतेदेखि हकप्रद निष्काशन गर्ने भएको छ । बोर्डले १:१ को अनुपातमा शत प्रतिशत हकप्रद निष्काशनगर्न लागेको हो ।
कम्पनीको भदौ ३० मा बसेको साधारणसभाले हकप्रद निष्काशन प्रस्ताव पारित गरेको थियो । अब कम्पनीले ३० लाख १९ हजार ८ सय ८६ दशमलव १० कित्ता हकप्रद शेयर निष्काशन गर्ने छ । हकप्रद निष्काशनको लागि एनआईबिएल एस क्यापिटल बिक्रि प्रबन्धक रहेको छ । लगानीकर्ताले जेठ ८ गतेसम्म हकप्रद भर्न सक्ने छन् ।
लगानीकर्ताले एनआईबिएल एस क्यापिटलको कार्यालय लालदरबार, काठमाडौँ, लगनखेल, ललितपुर तथा पोखराको चिप्लेढुंगा कार्यालयबाट आवेदन दिन सक्ने छन् । साथै नेपाल इन्स्योरेन्सको सम्पूर्ण शाखा कार्यालय तथा आश्वामा आबद्द बैंक तथा वित्तीय संस्थाबाट आवेदन दिन सक्ने छन् ।
हाल कम्पनीको चुक्ता पुंजी ३० करोड १९ लाख ८८ हजार रहेको छ । शत प्रतिशत हकप्रद निष्काशन पश्चात कम्पनीको चुक्ता पुंजी ६० करोड ३९ लाख ७७ हजार पुग्ने छ । कम्पनीले हाल कायम चुक्ता पुंजीको ४.५२ प्रतिसत बोनस प्रस्ताव गरेको छ । तर हकप्रद बिक्रि वितरण पश्चात कायम हुने पुंजीलाई समेत आधार मान्दा बोनस प्रतिशत २.२६ हुने छ । २.२६ प्रतिशत बोनसपछि कम्पनीको चुक्ता पुंजी ६१ करोड ७६ लाख ३८ हजार पुग्ने छ ।
सबै निर्जीवन बिमा कम्पनीले आगामी असार मसान्तसम्म १ अर्ब चुक्ता पुंजी पुर्याउनु पर्ने हुन्छ ।
कम्पनीले चालु आर्थिक बर्षी पहिलो त्रैमासमा २ करोड ६५ लाख खुद नाफा कमाएको छ ।