रसुवागढी हाइड्रोपावर कम्पनी लिमिटेडले निष्काशन गरेको आईपिओ आज आइतबार बाँडफांड भएको छ।कम्पनीले सञ्चयकोषका सञ्चयकर्ताको लागि १ करोड ३३ लाख ४२ हजार ९५ कित्ता साधारण सेयर निष्काशन गरेको थियो ।
आईपिओमा १ लाख ८७ हजार ८७८ जनाको आवेदन स्वीकृत भएको छ ।
आईपिओमा ५० देखि ७० कित्तासम्म सेयर माग गरेका सञ्चयकोषका सञ्चयकर्ताले माग अनुसार नै सेयर प्राप्त गरेका छन् । ७० देखि ५ सय कित्ताको लागि आवेदन दिनेले ७० कित्ता शेयर पाएका छन् । बाँडफाँट गर्दा बाँकी रहेको ६ लाख ८० हजार १८५ कित्ता सेयर गोलाप्रथाबाट ८० कित्ता वा बढी माग गर्नेले १० कित्ता थप शेयर पाएका छन । त्यसपछि बाँकि रहेको ५ कित्ता शेयर ८० देखि ५ सय कित्ता माग गर्ने मध्ये ५ जनालाई १-१ कित्ता थप गरि बाँडफाड गरिएको छ ।
त्यस्तै संस्थापक कम्पनीका कर्मचारीतर्फ ८ हजार ९ सय ६४ आवेदन योग्य भएको छ । जस मध्ये २ सय ५० कित्तासम्म आवेदन दिनेले माग गरे अनुसार कै शेयर पाएका छन् । २ सय ७० देखि ५०० कित्ताको लागि आवेदन दिनेले २ सय ६० कित्ता शेयर पाएका छन् ।
कसरी हेर्ने नतिजा ?
आइपीओको नतिजा बिजपाटि डटकममा प्रकाशित भएको छ।
बिजपाटि डटकमको मेनुबारमा रहेको आइपीओ रिजल्ट (IPO) मा क्लिक गरेर तनिजा हेर्न सक्नु हुनेछ । तपाईले Check Your IPO Result भन्ने देख्नुहुन्छ। त्यहाँ रसुवागढीको संचयकोषको कर्मचारी र संस्थापकका कर्मचारीको छुट्टाछुट्टै शिर्षक छ । आफुलाई चाहिने शिर्षक छनौट गर्नुहोस। तपाईले आफ्नो नाम मात्र राखेर पनि नतिजा हेर्न सक्नुहुन्छ।
